Qəhrəmanmaraşda 9 nəfərin ölümü ilə nəticələnən qətliamı törədən 14 yaşlı İsa Aras Mersinlinin hadisə yerinə gələn polisləri gördükdə qışqırdığı son sözləri məlum olub. Eyni zamanda, ilkin iddiaların aksinə, onun ölümünün intihar olmadığı müəyyənləşib...
Milli.Az xəbər verir ki, atasına məxsus 5 silah və 7 dolu daraqla məktəbi qan gölünə çevirən İsa Aras polislər binaya daxil olduqda onlara tərəf: "Məni bağışla, məni bağışla!" - deyə bağırıb. Bu, onun törətdiyi əməldən son anda peşmanlıq duyduğuna dair bir işarə kimi qiymətləndirilir.
Məhkəmə Tibbi Ekspertizasının rəyinə görə, hücumçunun ölüm səbəbi ilə bağlı gözlənilməz faktlar aşkarlanıb.
Ekspertlər müəyyən ediblər ki, İsa Arasın ölümünə səbəb bədəninə dəyən güllə deyil, sağ ayağındakı kəsici-deşici alət yarası olub.
Yaralanmaya səbəb olan alətin bir tərəfinin küt, digər tərəfinin isə kəskin olduğu bildirilir. Bu yara nəticəsində iri damarlar zədələnib və yeniyetmə intensiv xarici qanaxmadan həyatını itirib.
İstintaq materiallarına daxil edilən otopsi hesabatında aşağıdakı fiziki göstəricilər qeyd olunub:
Hücumçu 1.79 sm boyunda və təxminən 85-90 kq çəkidə olub.
Onun əlləri barıt və digər izlərin qorunması üçün torbalara qoyulub, bədənindən toksikoloji nümunələr götürülərək Qaziantep Məhkəmə Tibbi Ekspertiza Mərkəzinə göndərilib.
Bədəninin müxtəlif yerlərində qurumuş qan izləri aşkarlansa da, kürək, qoltuqaltı və ovuc içlərində başqa hər hansı zədə izi tapılmayıb.
Poliqon.info
Populyar xəbərlər
